सूरतमध्ये कोसंबाजवळ प्रवासी बसला भीषण अपघात झाल्याची घटना बुधवारी पहाटे घडली. सुदैवाने अपघातात जीवितहानी झाली नाही. चालकासह 15 ते 20 प्रवासी जखमी झाले असून त्यांना उपचारासाठी जवळच्या रुग्णालयात दाखल करण्यात आले आहे. घटनेमुळे प्रवाशांमध्ये गोंधळाचे आणि भीतीचे वातावरण होते.
बस चालकाला झोप लागल्याने त्याचे बसवरील नियंत्रण सुटले आणि बस रस्त्याच्या कडेला असलेल्या खड्ड्यात पडली. घटनेची माहिती मिळताच आपत्कालीन पथकाने तात्काळ घटनास्थळी धाव घेत बचाव कार्य सुरू केले.
क्रेनच्या सहाय्याने चालकासह सर्व प्रवाशांची सुटका करण्यात आली. यात जीवितहानी झाली नसली तरी अनेक प्रवाशी जखमी झाले आहेत. त्यांना रुग्णालयात नेण्यात आले आहे. याप्रकरणी अधिकारी घटनेचा अधिक तपास करत आहेत.
