तिसरीही मुलगी झाली म्हणून संतापलेल्या पतीने त्याच्या पत्नीवर पेट्रोल टाकून तिला जिवंत जाळले. परभणीतील गंगाखेड गावात 26 डिसेंबर रोजी घडली. यात 90 टक्के होरपळलेल्या महिलेचा मृत्यू झाला आहे. याप्रकरणाचा सीसी़टीव्ही फुटेज समोर आले असून यात ती महिला स्वत:ला वाचविण्यासाठी पळत एका दुकानात शिरत असल्याचे दिसत आहे.
मैना कुंडलिक काळे असे त्या महिलेचे नाव आहे. मैना व कुंडलिक यांना तिन्ही मुली आहेत. तिसऱ्यांदाही मुलगी झाल्याने कुंडलिक मैनावर संतापलेला होता. त्यावरून त्यांचे सतत वाद होत होते. गुरुवारी मध्यरात्री कुंडलिकने मैनाच्या अंगावर पेट्रोल टाकून तिला पेटवून दिले. गंभीर जखमी अवस्थेत मैनाला रुग्णालयात दाखल केले. मात्र तिथे पोहचण्याआधीच तिचा मृत्यू झाला होता. या प्रकरणी मैनाची बहिण भाग्यश्री काळे हिने पोलिसात तक्रार दिल्यानंतर कुंडलिकला अटक करण्यात आली.
