प्रजासत्ताक दिनाच्या पूर्वसंध्येला पद्म पुरस्कार 2025 ची घोषणा करण्यात आली. पद्म पुरस्कार देशातील सर्वोच्च नागरी सन्मानांपैकी एक आहे. पद्म विभूषण, पद्मभूषण आणि पद्मश्री या तीन श्रेणींमध्ये हे पुरस्कार दिले जातात. यंदा महाराष्ट्रातील प्रसिद्ध होमिओपॅथ डॉ. विलास डांगरे यांना पद्मश्री पुरस्काराने सम्मानीत करण्यात आले आहे. डॉ. डांगरे यांची विदर्भात वैद्यकीय सेवेतले भीष्म पितामह, अशी ओळख आहे. गेल्या 50 वर्षात त्यांनी आपल्या वैद्यकीय सेवा देत एक लाखाहून अधिक रुग्णांना बरं केलं आहे.
डॉ. विलास डांगरे यांच्यासह साहित्यिक मारुती चितमपल्ली यांनाही पद्मश्री पुरस्कार जाहीर झाला आहे. चितमपल्ली यांना वन्यजीव संवर्धन क्षेत्रामध्ये उल्लेखनीय कामगिरी केल्याबद्दल या पुरस्काराने सन्मानित करण्यात आलं.
