कोकण रेल्वे मार्गावर वेरवली येथे ओव्हरहेड वायरला सहाय्यक वायर तुटल्याने शनिवारी दुपारी कोकण रेल्वेची वाहतूक अडीच तासांसाठी खोळंबली होती. त्यामुळे काही गाड्या अडीच ते तीन तास उशिराने धावत होत्या.
वेरवली जवळ ओव्हरहेड वायरमध्ये हा बिघाड झाला. त्यामुळे रत्नागिरी ते वेरवली दरम्यानची कोकण रेल्वेची वाहतूक ठप्प झाली. मात्र ओव्हरहेडमध्ये झालेल्या बिघाडाची दुरुस्ती होऊन वाहतूक पुर्ववत होईपर्यंत त्याचा फटका अन्य गाड्यांनाही बसला. त्यामुळे तेजस एक्सप्रेस,वंदे भारत एक्सप्रेस,जनशताब्दी एक्सप्रेस,मांडवी एक्सप्रेस, दिवा-सावंतवाडी एक्सप्रेस,मडगाव-एलटीटी एक्सप्रेस,केरळ संपर्कक्रांती एक्सप्रेस या गाड्या विलंबाने धावत होत्या.
