पहलगाममधील दहशतवादी हल्ल्यात सुरक्षेत चूक झाल्याचे सर्वपक्षीय बैठकीत केंद्र सरकारने मान्य केलं आहे. पर्यटकांच्या सुरक्षेसाठी तेथे कोणतेही सुरक्षा दल तैनात नव्हते. दहशतवादी एकामागून एक पर्यटकांना लक्ष्य करत राहिले, मात्र त्यांना वाचवण्यासाठी तिथे एकही सुरक्षा रक्षक नव्हता. दुरीकडे एक नवीन माहिती समोर आली.
पहलगाम हल्ल्याच्या 10 दिवसआधी भाजपचे लोकसभा खासदार निशिकांत दुबे यांनी गुलमर्गमध्ये कडक सुरक्षेत हाय-प्रोफाइल पार्टी केली. हा कार्यक्रम निशिकांत दुबे यांच्या 25 व्या लग्नाच्या वर्धापन दिनानिमित्त आयोजित करण्यात आला होता. ज्यामध्ये कडक सुरक्षेत अनेक प्रमुख भाजप नेते सहभागी झाले होते. याबाबत ‘इंडियन एक्सप्रेस’ने वृत्त दिलं आहे. तसेच या हाय-प्रोफाइल पार्टीचा व्हिडीओही सोशल मीडियावर व्हायरल होत आहे.
दरम्यान, पहलगाममधील दहशतवादी हल्ल्याच्या पार्श्वभूमीवर जम्मू आणि काश्मीरसारख्या संवेदनशील ठिकाणी अशी हाय-प्रोफाइल पार्टी आणि व्हीआयपी सुरक्षा प्रोटोकॉलबद्दल अनेक प्रश्न उपस्थित केले जात आहेत. पहलगाम पर्यटकांच्या सुरक्षेसाठी एकही सुरक्षा रक्षक नव्हता, मात्र निशिकांत दुबे यांची गुलमर्गमधील हाय-प्रोफाइल पार्टी कडक सुरक्षेत पार पडली. यातच सामन्यांच्या जीवाला काही किंमत नाही का? असा प्रश्न सर्वसामान्यांकडून विचारला जात आहे.
निशिकांत दुबेंच्या गुलमर्गमधील हाय-प्रोफाइल पार्टीची चर्चा! पहलगाम हल्ल्याआधी कडक सुरक्षेत पार पडला कार्यक्रम#nishikantdubey #pahalgamattack pic.twitter.com/G4rVSRc8nu
— Saamana Online (@SaamanaOnline) April 25, 2025
