नेपाळमध्ये बुधवारी हेलिकॉप्टर कोसळून भीषण दुर्घटना घडली आहे. नेपाळच्या नुलाकोटच्या शिवपुरी ग्रामीण परिसरातील एअर डायनेस्टीचे हेलिकॉप्टर कोसळले. या दुर्घटनेत वैमानिकासह 5 जणांचा मृत्यू झाला आहे.
मिळालेल्या माहितीनुसार, हेलिकॉप्टर सूर्यचौर टेकडीवर धडकल्याने हा अपघात झाला आणि त्यानंतर ते आगीत जळून राख झाले. या हेलिकॉप्टरमध्ये वैमानिकासह 5 प्रवासी होते. हेलिकॉप्टर क्रॅश होऊन शिवपुरीच्या जंगलात पडले. या दुर्घटनेत 5 जणांचा मृत्यू झाला आहे. या दुर्घटना स्थळावरून होरपळलेल्या अवस्थेत 5 जणांचे मृतदेह बाहेर काढण्यात आले आहेत. त्यामध्ये चार पुरुषांसह एका महिलेचा समावेश होता. या हेलिकॉप्टरच्या अपघाताची नेपाळने चौकशी सुरू केली आहे. अपघात नेमका कसा झाला? याचा तपास सुरू आहे.
