राष्ट्रवादी काँग्रेस पक्षाचे नाव व ‘घड्याळ’ चिन्हाबाबत मंगळवारी सर्वोच्च न्यायालयात सुनावणी होणार होती, मात्र वेळेअभावी सुनावणी होऊ शकली नाही. कार्यतालिकेतील सुरुवातीच्या प्रकरणांची सुनावणी झाली. मात्र दुपारच्या सत्रात इतर प्रशासकीय कामकाज असल्याचे सांगून न्यायालयाने राष्ट्रवादी काँग्रेसच्या प्रकरणासह इतर प्रकरणांची सुनावणी तहकूब केली. राष्ट्रवादी काँग्रेस पक्ष व ‘घड्याळ’ चिन्ह अजित पवार गटाला देण्याच्या केंद्रीय निवडणूक आयोगाच्या निर्णयाला शरद पवार यांच्या राष्ट्रवादी काँग्रेसने सर्वोच्च न्यायालयात आव्हान दिले आहे.
