उत्तर प्रदेशातील मेरठमध्ये एक भयंकर घटना उघडकीस आली आहे. लिसाडी गेट परिसरात एकाच कुटुंबातील पाच जणांचे घरात मृतदेह आढळून आल्याने एकच खळबळ उडाली. एका घरात पती-पत्नी आणि तीन मुलींचे मृतदेह आढळले. मोईन, पत्नी अस्मा, अफसा (8), अजीजा (4) आणि आदिबा (1) अशी मृतांची नावे आहेत.
मोईन हा मेकॅनिक म्हणून काम करायचा. मोईनच्या घरी काहीच हालचाल होत नसल्याने शेजाऱ्यांनी पोलिसांना माहिती दिली. पोलिसांनी दरवाजा तोडून पाहिले असता मोईन आणि त्याच्या पत्नीचे मृतदेह जमिनीवर पडले होते. तर तिन्ही मुलींचे मृतदेह बेडमध्ये होते. एक वर्षाच्या मुलीचा मृतदेह गोणीत भरून बेडमध्ये ठेवण्यात आला होता.
पोलिसांनी सर्व मृतदेह ताब्यात घेत शवविच्छेदनासाठी रुग्णालयात पाठवले. पोलीस आणि फॉरेन्सिक टीमने घटनेचा तपास सुरू केला आहे. सर्व मयतांच्या डोक्यावर जखमांच्या खुणा असल्याचे एसएसपींनी सांगितले. शवविच्छेदन अहवाल आल्यानंतरच सत्य समोर येईल, असेही ते म्हणाले.
याप्रकरणी मयत महिलेच्या तक्रारीवरून ज्ञात तीन जणांसह काही अज्ञात लोकांवर गुन्हा दाखल करण्यात आला आहे. पोलिसांनी दोन नामांकित आरोपी आणि काही इतरांना ताब्यात घेतले आहे. एक आरोपी फरार आहे.
