देशपातळीवर निवडणुकीत भाजपची घमेंड आणि अहंकार जनतेने जिरवून दाखवला. असे प्रतिपादन माजी महसूल मंत्री बाळासाहेब थोरात यांनी केले. नगर येथील मार्केट यार्ड परिसरात घनश्याम शेलार यांच्या कार्यालयाच्या शुभांरंभप्रसंगी त्यांनी जनतेशी संवाद साधला. त्यावेळी त्यांनी भाजपचा चांगलाच समाचार घेतला.
“लोकसभा निवडणुकीत सर्वच म्हणायचे भाजच विजयी होईल, मात्र मतदारांनी सगळे चित्रच उलटे करून दाखवले. हे फक्त जनताच करून दाखऊ शकते. भाजपचा अहकांर आणि सगळा घमेंड मतदारांनी जिरवला. देशपातळीवर निवडणुकीत भाजपची घमेंड व अहकांर जनतेने जिरवून दाखवला. हिंदुस्थानात एवढे पुढारी नाही, तेवढे पुढारी श्रीगोंदा मतदार संघात आहे.” असे प्रतिपादन माजी महसुल मंत्री बाळासाहेब थोरात यांनी केले. यावेळी जिल्हाध्यक्ष जयंत वाघ, काँग्रेस माजी तालुकाध्यक्ष, सपंत म्हस्के, बाबासाहेब गुंजाळ, माजी जिल्हा परीषद उपाध्यक्ष प्रताप शेळके, तालुकाध्यक्ष अरुण म्हस्के, शरद पवार, बाबा सय्यद पापा पटेल, रमेश ठोबरे, विक्रम कासार, भगवान बोठे, इंदजीत बोठे, तात्या बेरड, मारूती लांडगे, स्मितल वाबळे मनोहर पोटे, संजय आनंदकर उपस्थित होते.
