बोरिवली स्थानकात चालत्या एक्स्प्रेसमधून उतरण्याचा प्रयत्न करणाऱ्या वृद्ध महिलेचा जीव रेल्वे सुरक्षा रक्षकाच्या सतर्कतेमुळे वाचला. या घटनेचा व्हिडीओ रेल्वे मंत्रालयाने शेअर केला. व्हिडीओमध्ये असे दिसतेय की, बोरिवली स्थानकातून एक्स्प्रेस सुरू झाली. त्याचवेळी चालत्या ट्रेनमधून एक महिला उतरण्याचा प्रयत्न करत होती. तिचा हा प्रयत्न स्थानकावर कर्तव्यावर असलेल्या एका सुरक्षा रक्षकाने पाहिला. रेल्वेतून उतरताना वृद्धेचा तोल गेल्याने ती थेट ट्रेनखाली म्हणजेच रुळांवर पडणार होती, तितक्यात सुरक्षा रक्षकाने धावत जाऊन तिला ट्रेनखाली जाण्यावाचून वाचवलं, अन्यथा मोठा अनर्थ झाला असता.
मिनिस्ट्री ऑफ रेल्वे या ‘एक्स’ अकाऊंटवरून हा व्हिडीओ शेअर केलाय. चालत्या ट्रेनमधून उतरण्याचा प्रयत्न करू नका, असे आवाहन रेल्वे मंत्रालयाने केले आहे.
