दुमजली निवासी इमारतीचा भाग कोसळून दीड वर्षाच्या बालकाचा मृत्यू झाल्याची घटना चेंबूरमध्ये घडली. तर या दुर्घटनेत एक महिला जखमी झाली आहे. कविता साळवे असे जखमी महिलेचे नाव आहे. जखमी महिलेवर राजावाडी रुग्णालयात उपचार सुरू आहेत. चेंबूरमधील एकता मित्र मंडळातील सरस्वती गल्ली येथे बुधवारी सायंकाळी साडेसातच्या सुमारास ही घटना घडली.
पोलादी चॅनेल सैल झाल्याने ग्राऊंड प्लस वन इमारतीचा काही भाग कोसळला. या दुःखद घटनेत खुशी साळवे या दीड वर्षाच्या मुलीचा मृत्यू झाला. तिला मृत अवस्थेत रुग्णालयात आणले होते. महापालिका प्रशासन आणि पोलीस या घटनेचा पुढील तपास करत आहेत.
