दहिसरवासीयांचे श्रद्धास्थान व जागृत देवस्थान असलेल्या गावदेवीचा वार्षिक उत्सव शुक्रवारी संपन्न झाला. त्यानिमित्त दहिसर गावठाण प्रवेशद्वाराजवळ जुन्या गावदेवी मंदिराची प्रतिकृती साकारली आहे. ही प्रतिकृती इतकी हुबेहूब आहे की, दहिसरमधील ग्रामस्थ मंदिराच्या जुन्या आठवणीत रमून गेले. ही प्रतिकृती पाहण्यासाठी भाविकांची तुडुंब गर्दी होत असून हा देखावा येत्या सोमवारपर्यंत नागरिकांना पाहता येणार आहे. संदीप मंडप डेकोरेटरचे संचालक भालचंद्र मोतीराम म्हात्रे व निखिल भालचंद्र म्हात्रे यांनी मंदिराची प्रतिकृती साकारली आहे.
