एकांकिका स्पर्धा विश्वात प्रतिष्ठेची मानली जाणारी तसेच हौशी आणि होतकरू कलाकारांना हक्काचे व्यासपीठ मिळवून देणाऱ्या ‘मृणालताई नाट्य करंडक एकांकिका’ स्पर्धेचे काऊंटडाऊन सुरू झाले आहे. स्पर्धेचे यंदाचे सातवे वर्ष असून प्राथमिक फेरी 11 ते 13 डिसेंबर या कालावधीत गोरेगाव येथील केशव गोरे सभागृह येथे तर अंतिम फेरी दिनांक 26 डिसेंबर रोजी बोरिवली येथील प्रबोधनकार ठाकरे नाटय़गृह येथे होणार आहे. स्पर्धेची प्रवेश नोंदणी 30 नोव्हेंबरपर्यंत असून त्याच दिवशी सायंकाळी 6 वाजता प्राथमिक फेरीचे वेळापत्रक जाहीर करण्यात येईल. या स्पर्धेचे आयोजन सोहम थिएटरच्या अंतर्गत केले जाते. अधिक माहितीसाठी आयोजक सुदेश सावंत यांच्याशी 9821355264, 9867444418 या क्रमांकावर संपर्क करावा, असे आवाहन करण्यात आले आहे.
