मौजेसाठी मोटरसायकल चोरणाऱया एकाला रफी अहमद किडवाई मार्ग पोलिसांनी अटक केली. हितेश माळजी असे त्याचे नाव आहे. त्याच्या अटकेने पाच गुह्यांची उकल करण्यात पोलिसांना यश आले आहे. पोलिसांनी त्याच्याकडून सहा मोटरसायकल जप्त केल्या आहेत.
गेल्या महिन्यात वडाळाच्या कात्रक रोड येथून एक मोटरसायकल चोरी झाली होती. मोटरसायकल चोरीप्रकरणी रफी अहमद किडवाई पोलीस ठाण्यात गुन्हा नोंद करण्यात आला. तपासासाठी पथक तयार केले. पोलिसांनी 200 हून सीसीटीव्ही फुटेजची तपासणी केली. फुटेज आणि तांत्रिक माहितीच्या आधारे पोलिसांनी हितेश आणि एका अल्पवयीन मुलाला ताब्यात घेतले. कसून चौकशी केल्यावर हितेशने ती मोटरसायकल चोरल्याची कबुली दिली. त्याने शिवडी, वडाळा, आरसीएफ परिसरातून काही मोटरसायकल चोरी केल्याचे पोलिसांना सांगितले. चोरीच्या मोटरसायकल त्याच्या घराजवळून ताब्यात घेतल्या. हितेश हा मौजेसाठी चोऱया करत असल्याचे समोर आले आहे. चोरीच्या गुह्यात त्याला अटक करून न्यायालयात हजर केले असता त्याला पोलीस कोठडी सुनावली आहे.
