‘महायुती सरकारचा शेवटचा अर्थसंकल्प म्हणजे तिजोरीत खडखडाट अन् थापांचा सुळसुळाट’, ‘बजेटमधून विधानसभेच्या तयारीच्या येतोय वास…’ या घोषणांनी आज विधान भवनाचा परिसर दणाणला. महाविकास आघाडीच्या नेत्यांनी विधान भवनाच्या पायऱयांवर आज जोरदार निदर्शने करत महायुतीच्या अर्थसंकल्पाची पोलखोल केली. ‘खिशात नाही आणा आणि मला बाजीराव म्हणा’, ‘लुटारू सरकार हाय हाय’, ‘40 टक्के कमिशन घेणाऱया सरकारचा धिक्कार असो’ या घोषणातून महाविकास आघाडीच्या नेत्यांनी अर्थसंकल्पाची पोलखोल केली. या घोषणांचे बॅनर सर्वांचे लक्ष वेधून घेत होते.
