महाकुंभमध्ये रुद्राक्ष माळा विकणारी मोनालिसा भोसले एका रात्रीत प्रसिद्ध झालीय. महाकुंभमधून घरी परतलेल्या मोनालिसाने आपल्या मनातील इच्छा बोलून दाखवली आहे. प्रसारमाध्यमांशी बोलताना मोनालिसा म्हणाली की, कुटुंबाने परवानगी दिली तर मला चित्रपटात काम करायला आवडेल. कोणत्याही चित्रपटात काम करणे हे अनेकांचे मोठे स्वप्न असते. मला जर सुदैवाने अशी संधी मिळाली तर मी नक्की आवडीने ती स्वीकारेन. परंतु यासाठी मला माझ्या कुटुंबाची परवानगी घ्यावी लागेल, असे मोनालिसा म्हणाली. महाकुंभमध्ये प्रसिद्धीझोतात आल्यानंतर मोनालिसाकडे यूटय़ूबर्स आणि इन्स्टा रील्स बनवणाऱ्यांची अक्षरशः रीघ लागली होती.
