मोनालिसा म्हणजे एक आश्चर्य आहे. मोनालिसाचे रहस्यमय हास्य अनमोल आहे. लिओनार्दो दा विंचीची ‘मोनालिसा’ ही जगप्रसिद्ध कलाकृती सध्या फ्रान्सच्या पॅरिस येथील लोव्री म्युझियममध्ये सुरक्षित ठेवण्यात आलेली आहे. तिची एक झलक बघण्यासाठी दरवर्षी लाखो लोक फ्रान्सला येत असतात. मोनालिसाचे हास्य सुरक्षित रहावे म्हणून फ्रान्सच्या सरकारने एक खास प्लॅन तयार केलाय. त्यामुळे कदाचित भविष्यात मोनालिसाच्या दर्शनासाठी जास्त पैसे खर्च करावे लागतील.
फ्रान्सचे राष्ट्रपती इमॅन्युएल मॅक्रोन यांनी लोव्री म्युझियमचे नूतनीकरण करायचे ठरवले आहे. याअंतर्गत ‘मोनालिसा’साठी वेगळी केबिन तयार केली जाणार आहे. म्युझियमध्ये काही भूमिगत खोल्या तयार केल्या जाणार आहेत. तसेच शीन नदीच्या बाजूने प्रवेशद्वार केला जाईल. या प्लॅनसाठी हजार करोड युरो खर्च होतील, असा अंदाज आहे. तसेच काही वर्षे लागतील. लोव्री म्युझियमच्या वाईट अवस्थेबद्दल म्युझियमच्या संचालकांनीच चिंता व्यक्त केलेय. त्याची दखल घेत फ्रान्स सरकारने नूतनीकरणाची योजना आखलेय.
