वांद्रे पूर्व विधानसभा मतदारसंघातील मनसेच्या उमेदवार तृप्ती सावंत यांची अजित पवार गटाचे उमेदवार झिशान सिद्दिकी यांच्याशी छुपी युती आहे, असा गंभीर आरोप मनसेच्या नेत्याने केला आहे. हा केवळ आरोप नसून आपल्याकडे याचा पुरावा आहे, असे सांगत त्यांनी एक फोटोही समाजमाध्यमांवर शेअर केला आहे. त्यामुळे एकच खळबळ उडाली आहे.
मनसे नेते अखिल चित्रे यांनी झिशान सिद्दिकी आणि भाजप पदाधिकारी यांच्यासोबतच्या भेटीचा एक फोटो शेअर केला आहे. 28 ऑक्टोबर रोजी वेळ साधारणतः रात्री साडे नऊ ते साडे दहाच्या सुमारास मकबा हाईट्स या ठिकाणी ही बैठक झाली असून तिथे झिशान सिद्दिकी यांच्याबरोबर सौदा केला आहे.
