तालुक्यातील जनतेचा आशीर्वाद महाविकास आघाडीच्या पाठीशी भक्कमपणे असल्याने विजयाचा रथ कोणीही रोखू शकत नाही, असा विश्वास महाविकास आघाडीचे अधिकृत उमेदवार उदयसिंग राजपूत यांनी व्यक्त केला. चिंचोली (लिं.) परिसरात प्रचार दौऱ्यानिमित्त मतदारांच्या भेटीगाठीदरम्यान आशीर्वाद घेताना ते बोलत होते.
कन्नड-सोयगाव विधानसभा मतदारसंघाचे शिवसेना व महाविकास आघाडीचे अधिकृत लोकप्रिय उमेदवार उदयसिंग राजपूत यांचा प्रचार दौरा चिंचोली (लिं.) व परिसरात पार पडला. या प्रचार फेरीला उत्स्फूर्त प्रतिसाद मिळाला. उमेदवार उदयसिंग राजपूत यांनी चिंचोली (लि.) येथील बाजारपेठेतील सर्वांच्या भेटी घेत आशीर्वाद घेतले. येथील मतदारांच्या भेटी घेत मशाल चिन्हासमोरील बटन दाबण्याचे आवाहन करण्यात आले. यावेळी शाखाप्रमुख ज्ञानेश्वर वाढेकर, उपशाखाप्रमुख दीपक कायस्थ, व्यापारी संघटनेचे प्रकाश जैस्वाल, युवासेनेचे सुरेश भारुडे, संतोष पवार, नाना पवार, शिवाजी पवार, हरी वाडेकर, संदीप पवार, शाखाप्रमुख रामदास गुंजाळ, राजधर पवार, संजय चौधरी, सुभाष पवार, सुरेश गाडेकर, उमेश बिलंगे, संदीप जाधव, योगेश दुसारे, बाळू पवार, बाजीराव सोळुंके, तुकाराम वाडेकर, रवींद्र जैस्वाल, बाळू पवार आदी उपस्थित होते.
