डावखुरा फिरकीपटू निखिल गुरवच्या (27 धावांत 6 विकेट) शानदार गोलंदाजीमुळे एम. व्ही. स्पोर्ट्स क्लबने एमआयजी क्रिकेट क्लब मैदानावर 28 व्या अजित नाईक स्मृती निवड चाचणी 14 वर्षांखालील क्रिकेट स्पर्धेच्या दोन दिवसीय उपांत्य सामन्याच्या पहिल्या दिवशी एमआयजी क्रिकेट अकॅडमीला पहिल्या डावात 53.4 षटकांत 143 धावांवर गुंडाळले.
एमआयजी सीएच्या आघाडीच्या फलंदाजांनी चांगली सुरुवात केली तरी निखिलच्या अचूक माऱ्यासमोर मधली फळी कोसळली. तरीही वेदांग मिश्रा (40 धावा), प्रज्ञांकुर भालेराव (34 धावा) आणि दर्शन ओझाने (30 धावा) थोडा संयम दाखवल्याने एमआयजी सीएने दीडशेच्या घरात झेप घेतली. एम. व्ही. स्पोर्ट्स क्लबने पहिल्या दिवसअखेर 28 षटकांत 4 बाद 107 धावा करताना आघाडी घेण्याच्या दृष्टीने आश्वासक सुरुवात केली. त्यात हर्ष कदमचे (46) सर्वाधिक योगदान आहे.
उपांत्य फेरी – संक्षिप्त धावफलक ः सोव्हेनियर सीसी – प. डावः 40 षटकांत सर्वबाद 139 (शिव त्रिपाठी 39; अबरार शेख 4/40, आदित्य पांडे 3/35) वि. इस्लाम जिमखाना – प. डावः 11 षटकांत 3 बाद 39 (शिव त्रिपाठी 3/11).
एमआयजी क्रिकेट अकॅडमी – प. डाव ः 53.4 षटकांत सर्वबाद 143(वेदांग मिश्रा 40, प्रज्ञांकुर भालेराव 34, दर्शन ओझा 30; निखिल गुरव 6/27) वि. एम. व्ही. स्पोर्ट्स क्लब – प. डाव ः 28 षटकांत 4 बाद 107 (हर्ष कदम नाबाद 6).
