मुंबईतील मध्य आणि हार्बर मार्गावर रविवारी मेगाब्लॉक घेण्यात येणार आहे. तसेच पश्चिम रेल्वे मार्गावर कोणताही मेगाब्लॉक असणार नाही. विविध अभियांत्रिकी आणि देखभालीची कामे करण्यासाठी मध्य आणि हार्बर रेल्वे मार्गावर ब्लॉक घेण्यात येणार आहे. मध्य रेल्वे मार्गावर माटुंगा आणि मुलुंड स्थानकांदरम्यान अप आणि डाऊन जलद मार्गावर सकाळी 11.05 ते दुपारी 3.05 या वेळेत मेगाब्लॉक असणार आहे. तर हार्बर मार्गावर सकाळी 11.10 ते सायंकाळी 4.10 पर्यंत मेगाब्लॉक असेल. पश्चिम रेल्वे मार्गावर कोणाताही मेगाब्लॉक घेण्यात येणार नाही.
मध्य रेल्वे मार्गावर छत्रपती शिवाजी महाराज टर्मिनस मुंबई येथून सकाळी 10.25 ते दुपारी 2.45 पर्यंत सुटणाऱ्या डाऊन जलद मार्गावरील सेवा माटुंगा येथे डाउन धीम्या मार्गावर वळवण्यात येतील, माटुंगा आणि मुलुंड स्थानकांदरम्यान त्यांच्या संबंधित नियोजित थांब्यांवर थांबतील आणि निर्धारित वेळेच्या 15मिनिटे उशिरा पोहोचतील. ठाण्याच्या पुढे जाणाऱ्या जलद गाड्या मुलुंड येथे डाऊन जलद मार्गावर वळवण्यात येतील. सकाळी 10.50 ते दुपारी 3.00 वाजेपर्यंत ठाणे येथून सुटणाऱ्या अप जलद मार्गावरील सेवा मुलुंड येथे अप धीम्या मार्गावर वळवल्या जातील. मुलुंड आणि माटुंगादरम्यान त्यांच्या संबंधित नियोजित थांब्यावर थांबतील आणि पुढे माटुंगा स्थानकावर अप जलद मार्गावर पुन्हा वळवण्यात येतील आणि 15 मिनिटांनी गंतव्यस्थानावर पोहोचतील.
ब्लॉकपूर्वीची शेवटची लोकल बदलापूर लोकल असेल, जी छत्रपती शिवाजी महाराज टर्मिनस मुंबई येथून सकाळी 10.20 वाजता सुटेल. ब्लॉकनंतर पहिली लोकल बदलापूर लोकल छत्रपती शिवाजी महाराज टर्मिनस मुंबई येथून दुपारी 3.03 वाजता सुटेल. ब्लॉकपूर्वीची शेवटची लोकल अंबरनाथ लोकल असेल जी छत्रपती शिवाजी महाराज टर्मिनस मुंबई येथे सकाळी 11.10 वाजता पोहोचेल. ब्लॉकनंतर पहिली लोकल कसारा लोकल छत्रपती शिवाजी महाराज टर्मिनस मुंबई येथे दुपारी 3.59 वाजता पोहोचेल.
हार्बर मार्गावर चुनाभट्टी/वांद्रे स्थानकांदरम्यान सकाळी 11.10 ते सायंकाळी 4.10 पर्यंत मेगाब्लॉक असेल. तर पनवेलकडे जाणाऱ्या मार्गावर सकाळी 11.40 ते सायंकाळी 4.40 पर्यंत मोगाब्लॉक असेल. छत्रपती शिवाजी महाराज टर्मिनस मुंबई येथून सकाळी 11.16 ते सायंकाळी 4.47 पर्यंत वाशी/बेलापूर/पनवेलसाठी सुटणाऱ्या डाउन हार्बर मार्गावरील सेवा आणि छत्रपती शिवाजी महाराज टर्मिनस मुंबई येथून सकाळी 10.48 ते दुपारी 4.43 वाजेपर्यंत वांद्रे/गोरेगाव येथे जाणाऱ्या/सुटणाऱ्या डाऊन हार्बर मार्गावरील सेवा रद्द राहतील. पनवेल/बेलापूर/वाशी येथून सकाळी 9.53 ते दुपारी 3.20 पर्यंत छत्रपती शिवाजी महाराज टर्मिनस मुंबईसाठी सुटणाऱ्या अप हार्बर लाईन सेवा आणि गोरेगाव/वांद्रे येथून सकाळी 10.45 ते सायंकाळी 5.13 पर्यंत छत्रपती शिवाजी महाराज टर्मिनस मुंबईसाठी सुटणाऱ्या अप हार्बर मार्गावरील सेवा रद्द राहतील.
ब्लॉकपूर्वी पनवेलसाठी शेवटची लोकल छत्रपती शिवाजी महाराज टर्मिनस मुंबई येथून सकाळी 11.04 वाजता सुटेल. गोरेगावसाठी ब्लॉकपूर्वीची शेवटची लोकल छत्रपती शिवाजी महाराज टर्मिनस मुंबई येथून सकाळी 10.22 वाजता सुटेल. ब्लॉकनंतर पनवेलसाठी पहिली लोकल छत्रपती शिवाजी महाराज टर्मिनस मुंबई येथून सायंकाळी 04.51 वाजता सुटेल. ब्लॉकनंतर वांद्रे करीता पहिली लोकल छत्रपती शिवाजी महाराज टर्मिनस मुंबई येथून दुपारी 4.56 वाजता सुटेल. छत्रपती शिवाजी महाराज टर्मिनस मुंबईसाठी ब्लॉकपूर्वीची शेवटची लोकल पनवेल येथून सकाळी 9.40 वाजता सुटेल. छत्रपती शिवाजी महाराज टर्मिनस मुंबईसाठी ब्लॉकपूर्वीची शेवटची लोकल वांद्रे येथून सकाळी 10.20 वाजता सुटेल. छत्रपती शिवाजी महाराज टर्मिनस मुंबईसाठी ब्लॉकनंतर पहिली लोकल पनवेल येथून दुपारी 3.28 वाजता सुटेल. छत्रपती शिवाजी महाराज टर्मिनस मुंबईसाठी ब्लॉकनंतर पहिली लोकल गोरेगाव येथून दुपारी 4.58 वाजता सुटेल. ब्लॉक कालावधीत कुर्ला- पनवेल दरम्यान 20 मिनिटांच्या अतंराने विशेष सेवा चालवल्या जातील. हार्बर मार्गावरील प्रवाशांना ब्लॉक कालावधीत सकाळी 10.00 ते संध्याकाळी 6.00 वाजेपर्यंत मुख्य मार्ग आणि पश्चिम रेल्वे मार्गे प्रवास करण्याची परवानगी आहे.
पश्चिम मार्गावर मेगाब्लॉक नाही,सांताक्रूझ आणि माहीमदरम्यान नाईट ब्लॉक
ट्रॅक, सिग्नलिंग आणि ओव्हरहेड उपकरणांच्या देखभालीचे काम करण्यासाठी 03.30 तासांचा जंबो ब्लॉक डाऊन स्लो मार्गावर 01:00 ते 04:30 वाजेपर्यंत घेतला जाईल तर अप स्लो मार्गावर 3 तासांचा ब्लॉक असेल. 20/21 जुलै, 2024 (शनिवार/रविवार) च्या मध्यरात्री सांताक्रूझ आणि माहीम स्थानकांदरम्यान 01:30 ते 04:30 पर्यंत घेतला जाईल. ब्लॉक कालावधीत, मुंबई सेंट्रल (लोकल) आणि सांताक्रूझ दरम्यान डाऊन धिम्या मार्गावरील गाड्या डाऊन फास्ट मार्गावर चालवल्या जातील. यामुळे लोअर परळ, माहीम आणि खार रोड स्थानकांवर लोकल गाड्यांना दुहेरी थांबा मिळेल. प्लॅटफॉर्मच्या अपुऱ्या लांबीमुळे आणि प्लॅटफॉर्म अभावी महालक्ष्मी, प्रभादेवी आणि माटुंगा रोड स्थानकावर थांबणार नाही. रविवारी पश्चिम रेल्वे उपनगरी विभागात दिवसाच्या वेळेत कोणताही ब्लॉक असणार नाही.
