रेल्वे रुळ आणि सिग्नल यंत्रणेच्या देखभाल-दुरुस्तीसाठी रविवारी रेल्वेच्या तिन्ही मार्गांवर मेगाब्लॉक घेण्यात आला आहे. मध्य रेल्वेच्या मेन लाईनवर माटुंगा-मुलुंड अप आणि डाऊन जलद मार्गावर सकाळी 11.30 ते दुपारी 3.30 पर्यंत ब्लॉक असेल. या कालावधीत छत्रपती शिवाजी महाराज टर्मिनस येथून सकाळी 10.58 ते दुपारी 3.10 वाजेपर्यंत सुटणाऱया डाऊन जलद मार्गावरील लोकल माटुंगा स्थानकावर डाऊन धीम्या मार्गावर वळविण्यात येणार आहेत. हार्बर मार्गावर कुर्ला ते वाशीदरम्यान सकाळी 11.10 ते सायंकाळी 4.10 वाजेपर्यंत अप व डाऊन मार्गावर ब्लॉक असेल. या कालावधीत छत्रपती शिवाजी महाराज टर्मिनस येथून सकाळी 10.34 ते दुपारी 3.36 वाजेपर्यंत सुटणाऱया वाशी, बेलापूर, पनवेल येथे जाणाऱया डाऊन हार्बर मार्गावरील सेवा तसेच छत्रपती शिवाजी महाराज टर्मिनस येथून सकाळी 10.16 ते दुपारी 3.47 वाजेपर्यंत सुटणाऱया पनवेल, बेलापूर, वाशी येथे जाणाऱया अप हार्बर मार्गावरील सेवा रद्द राहतील.
