अंधेरी पश्चमेत वीरा देसाई मार्गावर एका निवासी इमारतीला भीषण आग लागल्याची घटना घडली. इमारतीच्या सहाव्या मजल्यावरील फ्लॅटमध्ये ही आग लागली. आगीची माहिती मिळताच अग्नीशमन दलाच्या चार गाड्या घटनास्थळी रवाना झाल्या. आगीवर नियंत्रण मिळवण्यासाठी अग्नीशमन दलाचे शर्थीचे प्रयत्न सुरू आहेत.
वीरा देसाई मार्गावरील शिंचन इमारीतच्या सहाव्या मजल्यावर आग लागली आहे. इमारतीतील सर्व रहिवाशांना सुखरुप बाहेर काढण्यात आले आहे. सुदैवाने आगीत कोणतीही जीवितहानी नाही, मात्र फ्लॅट जळून खाक झाला आहे. आग कशामुळे लागली याबाबत माहिती मिळू शकली नाही. गेल्या अर्ध्या तासापासून आगीवर नियंत्रण मिळवण्याचे प्रयत्न सुरू आहेत.
