मध्य प्रदेशमध्ये एका महिलेवर दिवसा ढवळ्या फुटपाथवर बलात्कार झाला होता. तेव्हा उपस्थित काही लोकांनी महिलेला वाचवण्याऐवजी या घटनेचा व्हिडीओ काढला. आता ज्या व्यक्तीने हा व्हिडीओ काढला आणि व्हायरल केला, त्याला पोलिसांनी अटक केली आहे.
4 सप्टेंबरला उज्जैनच्या कोळसा फाटक भागात एका फुटपाथवर एका महिलेवर बलात्कार झाला होता. या घटनेचे व्हिडीओही व्हायरल झाले होते. या प्रकरणी ज्या व्यक्तीने हा व्हिडीओ शूट केला होता, त्याला अटक करण्यात आली आहे. आरोपीचे नाव मोहम्हज सलीम असून तो रिक्षा चालक आहे. पोलिसांनी आरोपीकडून मोबाईल जप्त केला आहे. आरोपीने ज्यांना ज्यांना व्हिडीओ पाठवले होते त्यांचीही माहिती पोलिस जमा करत आहेत.
पीडित महिला ही कचरा वेचणारी होती. तर आरोपी हा फुटपाथवर भाजी विकायचा. आरोपीने महिलेला प्रेमाच्या जाळ्यात फसवलं आणि लग्नाचेही वचन दिलं होतं. त्या दिवशी आरोपी खुप दारू प्यायला होता. नंतर आरोपीने महिलेलाही जबरदस्तीने दारू पाजली आणि तिच्यावर बलात्कार केला.
