सध्या रीलसाठी वाट्टेल ते लोक करत आहेत. एका प्रवाशाला फ्लाईटसाठी उशीर झाल्याने त्याने चक्क विमानतळावर खोटे बोलत व्हिडीओ काढला. पत्नी गरोदर आहे, मला त्या ठिकाणी पोहोचणे खूप महत्त्वाचे आहे, असे खोटे सांगत विमानतळावरील एअरलाइन्स कर्मचारी आणि इतर प्रवाशांना आपल्या बाजूने केले. त्याच्या बायकोची प्रसूती आहे, त्याला जाऊ द्या, असे त्या ठिकाणी उपस्थित असलेल्या प्रवाशांना सांगत विमान कर्मचाऱयांसोबत हुज्जत घातली. परंतु, नंतर हा प्रँक होता. माझी बायको गरोदर नाही, असा खुलासा त्या प्रवाशाने केला. हा व्हिडीओ सोशल मीडियावर व्हायरल झाल्यानंतर लोकांनी त्याला चांगलेच ट्रोल केले आहे. रीलसाठी वाट्टेल ते करण्याची सवय लोकांची कधी जाणार आहे? असेही युजर्सनी म्हटले.
