बोरिवली पूर्व येथील जय महाराष्ट्र नगर येथील अनंतराव भोसले मैदानावर उद्या शनिवार, 4 जानेवारीपासून मालवणी महोत्सवाचे आयोजन करण्यात आले आहे. या मालवणी महोत्सवाचे यंदाचे 27 वे वर्ष असून रविवार, 12 जानेवारीपर्यंत कोकणी संस्कृती आणि खाद्यपदार्थांची मेजवानी उपलब्ध होणार आहे.
शिवसेना शाखा क्रमांक 14 तर्फे आणि शिवसेना शाखा क्रमांक 12 तसेच मागाठाणे मित्र मंडळ यांच्या संयुक्त विद्यमाने हा महोत्सव आयोजित करण्यात आला आहे. शनिवारी सायंकाळी 7.30 वाजता सिंधुदुर्ग जिह्यातील वेंगुर्ले तालुक्यातील दाभोली येथील श्री देव गिरोबा मंदिराच्या प्रतिकृती, बालनगरी आणि मालवणी बाजारपेठेचे उद्घाटन करण्यात येणार आहे. रोज सायंकाळी 7 वाजता श्री देव गिरोबाची वाजंत्री तरंगासह पालखी आणि रात्री 8 वाजता दशावतार नाट्यप्रयोग सादर करण्यात येणार आहेत, अशी माहिती उत्सव प्रमुख नंदकुमार मोरे यांनी दिली.
