मुंबई पदवीधर मतदारसंघातून शिवसेना (उद्धव बाळासाहेब ठाकरे) उमेदवार अ‍ॅड. अनिल परब यांचा 26 हजार 26 मतांनी विजय झाला आहे. अनिल परब यांनी भाजपच्या किरण शेलार यांचा पराभव केला आहे. त्यामुळे विधान परिषदेसाठीही मतदारांनी भाजपला नाकारले असून मुंबईपदवीधर मतदारसंघातही शिवसेनेचाच डंका आहे. मुंबई पदवीधर, कोकण पदवीधर, मुंबई शिक्षक आणि नाशिक शिक्षक या चार मतदारसंघांसाठी 26 जून रोजी मतदान झाले होते.
विजयानंतर अनिल परब म्हणाले की, हा विजय मी बाळासाहेबांच्या चरणी अर्पण करतो. बाळासाहेबांचा आशीर्वाद असाच कायम राहू दे. उद्धव ठाकरे आणि आदित्य ठाकरे यांनी माझ्यावर जो विश्वास दाखवला त्यासाठी मी आभारी आहे. माझ्या विजयासाठी शिवसेना आणि महाविकास आघाडीचे घटकपक्ष लढले त्यांचा आभारी आहे. मुंबई फक्त शिवसेनेचीच आहे, हे पुन्हा एकदा सिद्ध झाले. ‘शिवसेना आमच्या साहेबांची, नाही कुणाच्या बापाची’ हे सिद्ध झाले आहे. मुंबईमध्ये शिवसेना आणि शिवसेनाच असणार, तीही उद्धव ठाकरेंची शिवसेना असणार. मुंबईचा मतदार हा शिवसेना उद्धव ठाकरेंच्या मागे उभा आहे, असेही परब म्हणाले.
मुंबई पदवीधर मतदारसंघातून महाविकास आघाडी व शिवसेना (उद्धव बाळासाहेब ठाकरे) पक्षाचे उमेदवार ॲड. अनिल दत्तात्रय परब ह्यांच्या दणदणीत विजयाबद्दल मनःपूर्वक अभिनंदन!@advanilparab pic.twitter.com/PIpu3S3obY
— ShivSena – शिवसेना Uddhav Balasaheb Thackeray (@ShivSenaUBT_) July 1, 2024
मुंबई पदवीधर मतदारसंघातून महाविकास आघाडी व शिवसेना (उद्धव बाळासाहेब ठाकरे) उमेदवार ॲड. अनिल दत्तात्रय परब यांच्या दणदणीत विजयाबद्दल त्यांच्यावर अभिनंदनाचा वर्षाव होत आहे.
