राज्यात विधानसभा निवडणुकीचा प्रचार शिगेला पोहचला आहे. त्यात आता प्रचारासह महायुतीचे नेते धमकी देण्यापर्यंत पोहचले आहेत. लाडकी बहीण योजनेचा लाभा घेणाऱ्या महिला काँग्रेसच्या सभेत दिसल्या तर फोटो काढून घ्या, त्यांचे फोटो काढायचे आणि आमच्याकडे पाठवा आम्ही व्यवस्था करतो, अशा शब्दांत भाजपचे खासदार धनंजय महाडिक यांनी महिलांबाबत वादग्रस्त व अवमानकारक वक्तव्य केले आहे. ही घटना ताजी असतानाच आता मिंधे गटाचे कर्जतचे आमदार महेंद्र थोरवे यांनी एका वृद्धाला धमकी दिल्याची घटना घडली आहे.
कर्जतच्या कडाव गावात थोरवे प्रचारासाठी गेले होते. त्यावेळी महेंद्र थोरवे यांनी तेथील एका वृद्धाला धमकी दिली. थोरवे म्हणाले तुला पुराच करतो साल्या… तुला नाही पुरा केला तर नाव नाही सांगणार, अशा शब्दांत थोरवे यांनी वृद्धाला धमकी दिल्याने सर्व स्तरांतून संतपा व्यक्त होत आहे.
