शिवसेना (उद्धव बाळासाहेब ठाकरे) पक्षाचे नेते आदित्य ठाकरे हे उद्या महाडच्या दौऱयावर असून दुपारी 1 वाजता त्यांची छत्रपती शिवाजी महाराज चौकात जाहीर सभा होणार आहे. महाविकास आघाडीच्या उमेदवार स्नेहल जगताप यांच्या प्रचारासाठी ही सभा होणार असून त्यानिमित्ताने अवघे महाड भगवेमय झाले आहे.
शिवसेनेच्या स्नेहल जगताप या दुपारी 12 वाजून 45 मिनिटांनी आपला उमेदवारी अर्ज दाखल करणार आहेत. त्यापूर्वी 12 वाजता आदित्य ठाकरे यांच्या उपस्थितीत रोड शो होणार असून त्याची सुरुवात साळेवाडी नाका येथून होणार असल्याची माहिती जिल्हाप्रमुख अनिल नवगणे यांनी दिली. आदित्य ठाकरे यांच्या दौऱयाची जय्यत तयारी झाली आहे.
स्थळ
छत्रपती शिवाजी महाराज चौक
वेळ
दुपारी 1 वाजता
