महाकुंभमध्ये पुन्हा आग लागल्याची घटना गुरुवारी दुपारी घडली. सेक्टर 22 मधील तंबूंना ही आग लागली. आगीची माहिती मिळताच अग्नीशमन दलाने तात्काळ घटनास्थळी धाव घेत आग विझवण्यास शर्थीचे प्रयत्न सुरू केले. सुदैवाने यात कोणतीही जीवितहानी झाली नाही. मात्र आगीत अनेक तंबू जळू खाक झाले.
छतनाग घाट आणि नागेश्वर घाटच्या मध्यभागी असलेल्या सेक्टर 22 परिसरात गुरुवारी दुपारी अचानक तंबूत आग लागली. आग पाहून तंबूतील भक्त तात्काळ आपापल्या तंबूतून बाहेर पळाले आणि अग्नीशमन दलाला माहिती दिली.
