महाबळेश्वर-तापोळा या मुख्य रस्त्यावर चिखली शेड परिसरात रात्री दरड कोसळली. डोंगरावरून माती चिखलाचे ढिगारे आणि मोठे दगड खाली आल्याने वाहतूक विस्कळीत झाली होती.
महाबळेश्वर-तापोळा रस्त्यावर दरड कोसळल्याने वाहतूक मंदावली. मुख्य रस्त्यावरच माती, दगड आल्याने तापोळा भागामध्ये जाण्यासाठी एका बाजूने वाहतूक सुरू होती. सार्वजनिक बांधकाम विभागाने जेसीबीच्या साहाय्याने माती दगड हटवून रस्ता वाहतुकीसाठी खुला करण्याचे काम सुरू होते. सध्या महाबळेश्वर तालुक्यामध्ये पावसाची संततधार सुरूच आहे. यातच तापोळा, कोयना विभाग, कांदाटी सोळशी विभागामध्ये मोठ्या प्रमाणात पावसाने धुमाकूळ घातला आहे.
