विधानसभा निवडणुकीसाठी महाविकास आघाडीच्या वतीने तयार करण्यात आलेल्या संयुक्त जाहीरनाम्याचे उद्या (रविवार) प्रकाशन करण्यात येणार आहे. नरिमन पॉइंट येथील ड्रायटंड हॉटेलमध्ये महाविकास आघाडीच्या प्रमुख नेत्यांच्या उपस्थितीत जाहीरनामा प्रकाशित होईल. हॉटेल ड्रायडंटमध्ये दुपारी बारा वाजता महाविकास आघाडीची संयुक्त पत्रकार परिषद आयोजित करण्यात आली आहे. यावेळी महाविकास आघाडीचा संयुक्त जाहीरनामा प्रकाशित करण्यात येईल.
यावेळी काँग्रेस अध्यक्ष मल्लिकार्जुन खरगे, शिवसेना नेते, खासदार संजय राऊत, अखिल भारतीय काँग्रेस समितीचे सरचिटणीस के. सी. वेणुगोपाल, काँग्रेसचे महाराष्ट्र प्रभारी रमेश चेन्निथला, प्रदेशाध्यक्ष नाना पटोले, विधिमंडळ नेते बाळासाहेब थोरात, खासदार वर्षा गायकवाड, राष्ट्रवादी काँग्रेस पक्षाचे प्रदेशाध्यक्ष जयंत पाटील उपस्थित राहणार आहेत.
n शिवसेना पक्षप्रमुख उद्धव ठाकरे यांनी गुरुवारी शिवसेनेचा वचननामा जाहीर केला. या वचननाम्यात महिला, तरुण पिढी, शेतकरी, कामगार, सरकारी कर्मचारी, अंगणवाडी सेविका, आशा सेविका यांच्यासह विविध घटकांना न्याय देण्याचे वचन दिले आहे तर महाविकास आघाडीने लोकसेवेची पंचसूत्री जाहीर केली आहे. यामध्ये समाजाच्या विविध घटकांसाठी विविध योजना जाहीर केल्या आहेत.
