उत्तर प्रदेशातील प्रयागराजमध्ये सुरू असलेल्या पवित्र महाकुंभमेळ्यात (Mahakumbh 2025) बुधवारी दुर्दैवी घटना घडली. येथे चेंगराचेंगरीत 30 भाविकांचा मृत्यू झाला असून 100 हून अधिक लोक जखमी झाले. दरम्यान या दुर्दैवी घटनेनंतर प्रशासन जागे झाले असून भाविकाच्या सुरक्षेसाठी कडक पावले उचलत पाच मोठे बदल केले आहेत.
महाकुंभाती 5 प्रमुख बदल-Complete No-Vehicle Zone
नो-व्हेइकल झोन: महाकुंभ मेळ्याच्या परिसरात सर्व प्रकारच्या वाहनांना प्रवेश करण्यास सक्त मनाई आहे.
VVIP Passes Canceled:
व्हीव्हीआयपी पासेस रद्द: कोणत्याही विशेष पासद्वारे वाहनांना प्रवेश दिला जाणार नाही.
One-Way Routes Implemented
एकेरी वाहतूक व्यवस्था: भाविकांची वाहतूक सुरळीत करण्यासाठी एकेरी वाहतूक व्यवस्था लागू करण्यात आली आहे.
Vehicle Entry Restricted
वाहनांच्या प्रवेशावर बंदी: प्रयागराजच्या शेजारील जिल्ह्यांतून येणारी वाहने गर्दी कमी करण्यासाठी जिल्ह्याच्या सीमेवर थांबवली जात आहेत.
Strict Restrictions Until February 4
4 फेब्रुवारीपर्यंत कडक निर्बंध : सुव्यवस्था राखण्यासाठी 4 तारखेपर्यंत शहरात चारचाकी वाहनांना पूर्णपणे बंदी घालण्यात आली आहे.
कुंभ परिसरातील गर्दीवर नियंत्रण ठेवणे आणि भाविकांची सुरक्षा सुनिश्चित करणे हा या बदलांचा उद्देश असल्याचे प्रशासनाचे म्हणणे आहे. भाविकांनी प्रशासनाच्या सूचनांचे पालन करून कोणत्याही प्रकारचा गोंधळ टाळण्यासाठी सहकार्य करावे, असे आवाहन भाविकांना करण्यात आले आहे.
उत्तर प्रदेशचे मुख्यमंत्री योगी आदित्यनाथ यांनी मुख्य सचिव आणि पोलीस महासंचालकांना महाकुंभमेळ्याच्या व्यवस्थेचा सखोल आढावा घेण्यास सांगितले आहे. सरकारने जारी केलेल्या निवेदनानुसार कामकाजावर देखरेख ठेवण्यासाठी पाच विशेष सचिव अधिकाऱ्यांची नियुक्ती करण्यात येत आहे. महाकुंभातील व्यवस्था सुधारण्यासाठी हे सचिव 12 फेब्रुवारीपर्यंत प्रयागराजमध्ये राहतील, असे निवेदनात म्हटले आहे. याशिवाय योग्य व्यवस्थापन आणि सुरक्षेसाठी एसपी अधिकारीही तैनात केले जाणार आहेत.
