राजस्थानवरून लग्नाचे वऱ्हाड घेऊन मध्य प्रदेशमधील राजगढ येथे निघालेली एक ट्रॅक्टर- ट्रॉली उलटली असून या अपघातात 13 जणांचा मृत्यू झाला आहे. या दुर्घटनेत 15 जण जखमी झाले असून त्यांना स्थानिक रुग्णालयात दाखल करण्यात आले आहे.
VIDEO | Madhya Pradesh: A tractor trolley carrying around 45 people overturned in Piplodi, Rajgarh last night (June 2). The incident killed 13 and 15 were injured.
“All the people who met with the unfortunate incident that happened last night are now stable. The doctors’ team… pic.twitter.com/q6YxvmGezw
— Press Trust of India (@PTI_News) June 3, 2024
राजस्थानमधील मोतीपूरा येथील रहिवासी असलेले हे प्रवासी एका लग्नासाठी मध्य प्रदेशमधील राजगढ येथील कुलामपूर येथे जात होते. रविवारी रात्री मध्य प्रदेशमधील पिपलोडी येथे या प्रवाशांना घेऊन जाणारी ट्रॅक्टर- ट्रॉली पलटली असून या अपघातात 13 वऱ्हाड्यांचा मृत्यू झाला. तर 15 जण जखमी झाले. जखमींपैकी दोघांची प्रकृती गंभीर असून त्यांना मोठ्या रुग्णालयात हलवण्यात आले आहे.
या ट्रॅक्टर ट्रॉलीमध्ये तब्बल 40 ते 50 लोकं प्रवास करत होते. क्षमतेपेक्षा जास्त लोकं प्रवास करत असल्यामुळे तसेच चालक मद्यधुंद अवस्थेत गाडी चालवत असल्याने चालकाचा गाडीवरील ताबा सुटला व गाडी उलटली. गाडी उलटल्यानंतर सर्व प्रवासी या ट्रॉली खाली दबले गेले होते. बचाव पथक व पोलीस घटनास्थळी पोहोचल्यानंतर जेसीबीच्या सहाय्याने ट्रॉली हटवण्यात आली.
