दक्षिण मध्य मुंबईतून शिवसेना (उद्धव बाळासाहेब ठाकरे) पक्षाचे उमेदवार अरविंद सावंत विजयी झाले आहेत. अरविंद सावंत यांनी विजयाची हॅट्ट्रीक साधली आहे. दक्षिण मुंबई या मतदारसंघातून शिवसेनेचे अरविंद सावंत आणि मिंधे गटाच्या यामिनी जाधव यांच्यात लढत होती.
मोदींचा चेहरा घेऊन जिंकत आलो असा कायम आरोप झाला. आज मला खूप आनंद होतोय की मी उद्धव ठाकरेंचा चेहरा घेऊन जिंकलोय. मोदींचा चेहरा न घेता जिंकलो याचा मला जास्त आनंद आहे, अशी प्रतिक्रीया अरविंद सावंत यांनी विजयानंतर दिली.
अरविंद सावंत हे 2014 आणि 2019 ला या मतदारसंघातून निवडून आले होते. शिवसेनेचे निष्ठावंत असलेले अरविंद सावंत यांना नागरिकांनी स्वीकारले असून गद्दार गटाच्या यामिनी जाधव यांचा पराभव झाला आहे.
एक्झिट पोलने देखील या मतदारसंघातून अरविंद सावंत यांच्या विजयाचा अंदाज वर्तवला होता. त्यानंतर यामिनी जाधव यांनी आपल्याला ही निवडणूक लढवण्याची इच्छा नव्हती. मात्र आदेश आल्याने आपण निवडणूक लढल्याचे सांगितले होते.
– मुंबई दक्षिण मतदारसंघातून अरविंद सावंत 35 हजार मतांनी आघाडीवर
गेल्या पाच लोकसभा निवडणुकांचा निकाल
तेरावी लोकसभा १९९९-२००४ जयवंतीबेन मेहता भारतीय जनता पक्ष
चौदावी लोकसभा २००४-२००९ मिलिंद देवडा भारतीय राष्ट्रीय काँग्रेस
पंधरावी लोकसभा २००९-२०१४ मिलिंद देवडा भारतीय राष्ट्रीय काँग्रेस
सोळावी लोकसभा २०१४-२०१९ अरविंद सावंत शिवसेना
सतरावी लोकसभा २०१९- अरविंद सावंत शिवसेना
