लोकसभा निवडणुकांचे निकाल जाहीर होत आहे. यात मुंबईतील प्रतिष्ठेच्या असलेल्या सहा जागांवर चुरशीची लढत होत आहे. दक्षिण मध्य मुंबईत महाविकास आघाडीकडून शिवसेनेचे (उद्धव बाळासाहेब ठाकरे) अनिल देसाई यांना उमेदवारी देण्यात आली होती. त्यांची लढत शिंदे गटाच्या राहुल शेवाळे यांच्याही होती. या लढतीत देसाई यांनी शेवाळेंना चितपट करत मोठा विजय मिळवला आहे.
ही जागा महाविकास आघाडी आणि महायुतीसाठी महत्त्वाची होती. जनतेने महाविकास आघाडी आणि शिवसेनेच्या बाजूने कौल देत या मतदारसंघात गद्दाराला गाडले आहे, अशी भावना व्यक्त होत आहे. अनिल देसाई यांना 3,95,138 मते मिळाली. त्यांनी तब्बल 53,384 इतकं मताधिक्य मिळवत आपला विजय निश्चित केला. या मतदारसंघात देसाई यांचा विजय झाल्याने शिवसेना (उद्धव बाळासाहेब ठाकरे) यांना मुंबईतील आणखी एक जागा मिळाली आहे.
जनतेनं गद्दाराला गाडलं! दक्षिण मध्य मुंबईत अनिल देसाईंचा दणदणीत विजय, शेवाळे पराभूत#MumbaiSouthCentral #LokSabhaElectionResult2024 #AnilDesai pic.twitter.com/sFFvtZ570D
— Saamana (@SaamanaOnline) June 4, 2024
दक्षिण मध्य मुंबई हा महाराष्ट्रातील 48 लोकसभा संसद मतदारसंघांपैकी एक आहे. ह्या मतदारसंघामध्ये मुंबई जिल्ह्यामधील 4 व मुंबई उपनगर जिल्ह्यामधील 2 असे एकून 6 विधानसभा मतदारसंघ समाविष्ट केले गेले आहेत. यंदा या मतदारसंघातून शिवसेनेचे अनिल देसाई आणि मिंधे गटाचे राहुल शेवाळे यांच्यात लढत आहे.
– दक्षिण मध्य मुंबई मतदारसंघातून शिवसेना (उद्धव बाळासाहेब ठाकरे) पक्षाचे उमेदवार अनिल देसाई 19 मतांनी आघाडीवर
गेल्या पाच लोकसभा निवडणुकांचा निकाल
तेरावी लोकसभा 1999-2004 मोहन रावले (शिवसेना)
चौदावी लोकसभा 1999-2004 मोहन रावले (शिवसेना)
पंधरावी लोकसभा 2004-2009 एकनाथ गायकवाड (काँग्रेस)
सोळावी लोकसभा 2009-2014 राहुल शेवाळे (शिवसेना)
सतरावी लोकसभा 2014- 2019 राहुल शेवाळे शिवसेना (आता शिंदे गट)
