माढा हा महाराष्ट्रातील ४८ लोकसभा संसद मतदारसंघांपैकी एक आहे. २००८ साली निर्माण करण्यात आलेल्या ह्या मतदारसंघामध्ये सध्या सोलापूर जिल्ह्यामधील ४ आणि सातारा जिल्ह्यामधील २ असे एकूण ६ विधानसभा मतदारसंघ समाविष्ट केले गेले आहेत. या मतदारसंघात राष्ट्रवादी काँग्रेस शरदचंद्र पवार पक्षाचे धैर्यशील मोहिते पाटील आणि भाजपच्या रणजितसिंह नाईक निंबाळकर यांच्यात थेट लढत झाली. यात धैर्यशील मोहिते पाटील यांनी विजय मिळवला.
धैर्यशील मोहिते पाटील यांना 5 लाख 7663 मतं मिळाली, तर भाजपच्या रणजितसिंह नाईक निंबाळकर यांना 4 लाख 45 हजार 903 मतं मिळाली. मोहिते पाटील यांनी 61 हजारांहून मतांनी विजय मिळवला. यानंतर कार्यकर्त्यांनी क्रेनच्या सहाय्याने भव्य हार घालून सत्कार केला.
गेल्या पाच लोकसभा निवडणुकांचा निकाल
पंधरावी लोकसभा २००९-२०१४ शरद पवार राष्ट्रवादी काँग्रेस पक्ष
सोळावी लोकसभा २०१४-२०१९ विजयसिंह मोहिते-पाटील राष्ट्रवादी काँग्रेस पक्ष
सतरावी लोकसभा २०१९- रणजित नाईक-निंबाळकर भाजप
