खेड, जुन्नर, शिरूर आणि आंबेगाव तालुक्यात बिबटय़ांचा मानवी वस्तीवरील वावर वाढला आहे. नेहमी नागरिकांची वर्दळ असलेल्या खेड तालुक्यातील चांडोली येथील महावितरणच्या कार्यालयात शिरलेल्या बिबटय़ाने साऱयांच्या काळजाचे ठोके चुकवले. महावितरणला ‘शॉक’ देणाऱ्या या बिबटय़ाला कर्मचाऱयांनी एका खोलीत कोंडून ठेवले.
चांडोली वीज उपपेंद्राच्या पाठीमागील बाजूस असलेल्या सम्राट हाऊसिंग सोसायटीच्या परीसरात गेल्या शनिवारी सायंकाळी बिबटय़ा आढळून आला होता. रविवारीही तो परिसरात वावरत होता. बुधवारी महावितरणच्या आवारात भरदिवसा वीज मीटर टेस्टिंग इमारतीत बिबटय़ा शिरला. टेस्टिंग खोलीत वरिष्ठ तंत्रज्ञ शांता शेळके काम करीत बसल्या होत्या. त्यांच्या खुर्चीमागून जात बिबटय़ा एका कोपऱयात जाऊन बसला. याची कल्पना कर्मचाऱयांनी दिल्यानंतर शांता शेळके लागलीच उठून बाहेर आल्या आणि त्यांनी खोलीचा दरवाजा बंद केला. त्यांनी याची माहिती वरिष्ठ सिद्धार्थ सोनवणे यांना दिली. वन क्षेत्रपाल प्रदीप रौधंळ यांना याबाबत माहिती देण्यात आल्यावर बिबटय़ाला पकडण्यासाठी तयारी करण्यात आली. जुन्नर रेस्क्यू टीम दाखल झाली. बिबटय़ाला बेशुद्ध करून जेरबंद करण्यात आले.
View this post on Instagram
या घटनेचा व्हिडीओ सोशल मीडियावर व्हायरल झाला असून कर्मचाऱयांनी काsंडून ठेवलेल्या या मादी बिबटय़ाला जुन्नर वन विभागाच्या रेस्क्यू टीमने जेरबंद करून माणिकडोह बिबट निवारण केंद्रात दाखल केले.
