डोनाल्ड ट्रम्प यांनी टेस्ला प्रमुख एलन मस्क आणि हिंदुस्थानी वंशाचे उद्योगपती विवेक रामास्वामी यांच्याकडे मोठय़ा जबाबदाऱ्या सोपवल्या आहेत. हे दोघेही सरकारच्या कार्यक्षमता विभागाचे नेतृत्व करतील. हा विभाग सरकारला विविध महत्त्वाच्या मुद्दय़ांवर सरकारला सल्ला देईल. यासोबतच ट्रम्प यांनी फॉक्स न्यूजचे अँकर होस्ट पीट हेगसेथ यांनाही त्यांच्या मंत्रिमंडळात स्थान दिले असून त्यांना संरक्षण मंत्री करण्यात आल्याचे वॉशिंग्टन पोस्टच्या वृत्तात म्हटले आहे. दरम्यान, मस्क यांनी ट्रम्प यांच्या प्रचारात 900 कोटी रुपयांहून अधिक खर्च केले होते. तर विवेक रामास्वामी यांनी ट्रम्प यांच्या प्रचारात मोठी भूमिका बजावली आहे.
