चित्रपटगृहांमध्ये 1 मार्च 2024 रोजी लापता लेडीज चित्रपट रिलीज झाला. बॉक्स ऑफिसवर फारसं यश मिळालं नसलं तरी ओटीटीवर प्रदर्शित झाल्यानंतर लापता लेडीज प्रेक्षकांच्या पसंतीत आला आहे. आता ऑस्करच्या शर्यतीसाठी नावात काहीसा बदल करत नवं पोस्टर शेअर करण्यात आलं आहे. फुल आणि जया यांची हृदयस्पर्शी गोष्ट या चित्रपटातून दाखवण्यात आली आहे. किरण राव आणि आमिर खान यांनी नुकतच न्यूयॉर्क शहरातही या सिनेमाचं प्रमोशन केल्याच दिसत आहे.
View this post on Instagram
किरण राव दिग्दर्शित लापता लेडीज या सिनेमानं भारतीय प्रेक्षकांच्या मनावर स्थान निर्माण केल्यानंतर या चित्रपटाने ऑस्करसाठी ऑफिशियल एन्ट्री घेतली. पण आता ऑस्करच्या शर्यतीसाठी थेट सिनेमाच्या नावातच बदल केल्याचं समोर येत आहे. आमिर खानची निर्मिती आणि किरण रावचे दिग्दर्शन असणाऱ्या लापता लेडीज या चित्रपटाच्या नव्या पोस्टरची सध्या जोरदार चर्चा आहे. ‘लापता लेडीज’ च नाव आता ‘लॉस्ट लेडीज’ असं करण्यात आलं आहे. नावात बदल करून नवे पोस्टर काढत हा सिनेमा अकॅडमी अवॉर्ड्सकडे पाठवण्यात आला आहे.
