राष्ट्रीय जनता दलाचे प्रमुख लालूप्रसाद यादव यांची प्रकृती अचानक बिघडली असून त्यांना दिल्लीतील एम्स रुग्णालयात दाखल करण्यात आले आहे. 76 वर्षीय लालूप्रसाद यादव यांना कार्डिओ न्यूरो सेंटरमधील कार्डिओ क्रिटीकल केअर युनिटमध्ये दाखल करण्यात आले आहे. एम्सच्या कार्डिओलॉजी विभागाचे प्राध्यापक डॉ. राकेश यादव यांच्या देखरेखीखाली त्यांच्यावर उपचार सुरू आहेत. रात्री 9 वाजून 35 मिनिटांच्या सुमारास त्यांना पाटणा येथील पारस रुग्णालयात उपचारासाठी आणण्यात आले होते, मात्र डॉक्टरांनी त्यांना दिल्लीतील एम्स रुग्णालयात जाण्याचा सल्ला दिला.
