आमिर खान प्रोडक्शन्स आणि किरण राव दिग्दर्शित ‘लापता लेडिज’या बहुचर्चित सिनेमाच्या कथेने प्रेक्षकांचे मन जिंकले. अगदी छोट्या बजेटमध्ये बनवलेल्या या सिनेमाने मोठ्या पडद्यावर धुमाकूळ घातल्यानंतर ओटीटीवरही त्याची क्रेझ कायम दाखवली. आता या सिनेमाने जपानमध्येही आपले वेगळे स्थान निश्चित केले आहे. जपान अॅकेडमी फिल्म प्राईजच्या पाच आतंरराष्ट्रीय सिनेमांमध्ये ‘लापता लेडिज’ ने समावेश केला आहे.
‘लापता लेडिज’हा सिनेमा जपानमध्ये 4 ऑक्टोबर 2024 रोजी प्रदर्शित झाला. हा सिनेमा जवळपास 115 दिवसानंतरही तिथे सुरुच आहे. या सिनेमाने टॉप 5 आंतरराष्ट्रीय सिनेमांमध्ये आपले स्थान मिळवल्याने हिंदुस्थानी कथा जगाच्या कानाकोपऱ्यात आपली छाप पाडत असल्याचे सिद्ध करु दाखवले.
हा सिनेमा जपानमध्ये प्रदर्शित होऊन 17 आठवडे झाले असून 115 व्या दिवशीही बॉक्स ऑफिसवर कमाल दाखवत आहे. हा सिनेमा ‘जपान अॅकेडमी फिल्म प्राईज 2024’ मध्ये प्रदर्शित झाला आणि 204 आंतरराष्ट्रीय सिनेमांमधून पाच आंतरराष्ट्रीय सिनेमांमध्ये आपले स्थान निश्चित केले. आता साऱ्यांचे लक्ष 14 मार्चवर आहे कारण यादिवशी ‘बेस्ट इंटरनेशनल फिल्म’चा अॅर्वार्ड घोषित केला जाणार आहे. एकापेक्षा एक सरस असलेल्या 204 सिनेमांना मागे टाकत ‘बेस्ट इंटरनेशनल फिल्म’साठी ‘लापता लेडिज’ शॉर्ट लिस्टेड झाला आहे. त्यामुळे सिनेदिग्दर्शक किरण राव हिचे नाव क्रिस्टोफर नोलन, यॉर्गोस लांथिमोस, एलेक्स गारलैंड आणि जोनाथन ग्लेजर यांच्या स्पर्धेत घेतले जात आहे. शिवाय ‘लापता लेडिज’सोबत ‘पुअर थिंग्स’, ‘ऑपेनहाइमर’, ‘द जोन ऑफ इंटरेस्ट’ आणि’सिविल वॉर’ सारखे सिनेमे शर्यतीत आहेत.
