कॉमेडियन कुणाल कामराने उपमुख्यमंत्री एकनाथ शिंदे यांच्यावर विंडबन गीत सादर केलं होतं. या प्रकरणी खार पोलिसांत कामराविरोधात गुन्हा दाखल झाला होता. आता हायकोर्टाने कामराला अटक करण्याला नकार दिला आहे.
न्यायमूर्ती सारंग कोतवाल आणि न्यायमूर्ती श्रीराम मोडक यांच्या खंडपीठाने राखून ठेवलेला निकाल आज जाहीर केला. त्यानुसार पोलीस कामराला चौकशी दरम्यान अटक करू शकत नाही असे कोर्टाने म्हटले आहे. तसेच कुणाल कामराची चौकशी करायची असेल तर पोलिसांनी चेन्नईला जाऊन चौकशी करावी असे म्हटले आहे. तसेच चौकशीसाठी रीतसर कुणालला नोटीस पाठवावी असेही कोर्टाने म्हटले आहे.
