देवगड तालुक्यातील 72 ग्रामपंचायतींचे प्रवर्ग निहाय सरपंच आरक्षण निश्चित करण्यात आले आहे. देवगड तहसील कार्यालयात मंगळवारी (8 एप्रिल 2025) सकाळी 11 वाजता सोडत पद्धतीने चिठ्या टाकून शालेय विद्यार्थ्यांच्या हस्ते आरक्षण निश्चित करण्यात आले आहे. उपविभागीय अधिकार जगदीस कातकर यांच्या अध्यक्षतेखाली तहसीलदार रमेश पवार यांच्या उपस्थितीत सर्व प्रक्रिया पार पडली.
महाराष्ट्र अधिनियम क्रमांक 21/1994 नुसार मुंबई ग्रामपंचायत अधिनियम 1958 मध्ये केलेल्या सुधारणेनुसार शासनाने मुंबई ग्रामपंचायत (सरपंच/उपसरपंच) निवडणूक 1964 मध्ये सरपंच पदाच्या आरक्षणाबाबत सुधारित तरतुदी निश्चित केलेल्या आहेत. सदर निवडणूक नियमातील नियम 2 (अ) (1) (2) पोट कलम 4 ते 6 मधिल तरतुदीनुसार अनुसूचित जाती, अनुसूचित जमाती, नागरीकांचा मागास प्रवर्ग व्यक्तीसाठी व महिला सरपंच आरक्षित करावयाची आहेत. ग्रामविकास विभाग, मुंबई यांचेकडील महाराष्ट्र शासन राजपत्र, असाधारण भाग चार दिनांक 5 मार्च 2025 व तसेच जिल्हाधिकारी सिंधुदुर्ग यांचकडील पत्र क्र. साशा/डेस्क-1(3)/सरपंच आरक्षण/सोडत/03/2025 दिनांक 28-03-2025 अन्वये देवगड तालुक्यातील 72 ग्रामपंचायतीतील सरपंच पदाचे प्रवर्गनिहाय आरक्षण निश्चित केले.
सरपंच पदाच्या प्रवर्गनिहाय आरक्षणाची पुढील प्रमाणे सोडत पद्धतीने जाहीर करण्यात आली आहे.
अनुसुचीत जाती आरक्षित पदे प्रवर्ग 2 – ग्रामपंचायत हडपीड, कुणकवण, महिला 2 – ग्रामपंचायत दहीबाव महाळुंगे, अनु.जमातीसाठी आरक्षित 1, ग्रामपंचायत पेंढरी(महिला)
नागरिकांच्‍या मागास प्रवर्गासाठी आरक्षित पदे प्रवर्ग 10 – बुरबावडे, उंडिल, तोरसोळे, मुणगे, गवाणे, दाभोळे, विजयदुर्ग, कातवण, कट्टा, शिरगाव,
नागरिकांच्‍या मागास प्रवर्गासाठी महिला ग्रामपंचायत 10 – इळये, कुवळे, नाडण, तळवडे, वळीवंडे, हिंदळे, पावणाई टेंबवली, कुणकेश्वर मणचे
खुला प्रवर्गामध्‍ये सर्वसाधारण प्रवर्ग 23 – गढिताम्हणे, आरे, शिरवली, मुटाट, पोंभुरले, कोटकामते, पुरळ, रहाटेश्वरपोयरे, गिर्ये, साळशी, गोवळ, फणसगाव, विठ्ठलादेवी, लिंगडाळ, मोंड, वाघोटण, रामेश्वर धालवली, वानीवडे, मळेगाव, पडवणे, ठाकूरवाडी यांचा समावेश आहे.
सर्वसाधारण महिला 24 सरपंच पदाचे आरक्षण सोडत पध्दतीने (चिठ्या टाकून) आरक्षण निश्चित केले यात ग्रामपंचायत कोर्ले, मिठमुंबरी, चांदोशी, ओंबळ, नारिंग्रे, खुडी, नाद, वाघिवरे, किंजवडे, पडेल, वाडा, बापर्डे, वरेरी, मिठबाव, पाटगाव, सांडवे, चाफेड, पाटथर, पाळेकरवाडी, मोडपार, फणसे, तिर्लोट, सौंदाळे, तांबळडेग या ग्रामपंचायतींचा समावेश आहे.
