धनुष आणि ऐश्वर्या रजनीकांत यांनी अधिकृतपणे घटस्फोट घेतला आहे. हे दोघेही वर्षानुवर्षे चित्रपटसृष्टीत सक्रिय आहेत आणि चित्रपटसृष्टीतील मोठे नाव आहेत. ऐश्वर्या थलायवा रजनीकांत यांची मुलगी आहे, तर धनुष हा साऊथचा तसेच बॉलिवूडचा यशस्वी स्टार आहे. आता त्यांचा घटस्फोट झाला आहे, चला जाणून घेऊया या दोघांमध्ये सर्वात जास्त श्रीमंत कोण? दोघांच्या एकूण संपत्तीबद्दल अधिक माहिती जाणून घेऊया…
धनुष ब्रँड प्रमोशनमधून किती कमावतो?
धनुषबद्दल बोलायचे झाले तर, तो तामिळमधील सर्वाधिक मानधन घेणारा अभिनेता आहे. धनुष केवळ अभिनेताच नाही तर एक यशस्वी निर्माता, गायक, गीतकार आणि दिग्दर्शक देखील आहे. ज्यामुळे त्याची संपत्ती सतत वाढत आहे. धनुषच्या लोकप्रियतेमुळे त्याला ब्रँड प्रमोशनमध्येही फायदा होतो. धनुष सेंटर फ्रेश, 7Up आणि टाटा स्काय सारख्या अनेक ब्रँडच्या जाहिरातींमध्ये दिसला आहे. मीडिया रिपोर्ट्सनुसार, धनुष एका ब्रँडच्या ऍडसाठी सुमारे 3 कोटी रुपये चार्ज करतो.
प्रॉडक्शन हाऊस आणि गायनातून उत्पन्नात वाढ
वर्ष 2010 मध्ये धनुष आणि ऐश्वर्याने ‘वंडरबार फिल्म्स’ नावाची निर्मिती आणि वितरण कंपनी सुरू केली. या प्रॉडक्शन हाऊसमध्ये ‘वेलैला पट्टाधारी’, ‘शमिताभ’, ‘काकी सट्टाई’, ‘काका मुत्ताई’, ‘थरंगम’, ‘काला’ आणि ‘निलावुक्कू एन मले एन्नाडी कोबम’ यांसारखे चित्रपट बनवण्यात आले आहेत. या चित्रपटांच्या नफ्यामुळे धनुषची एकूण संपत्ती वाढली आहे. याशिवाय धनुष दिग्दर्शनातूनही पैसे कमावतो.
धनुषकडे कोणत्या लक्झरी कार आहेत?
त्याच्या कार कलेक्शनबद्दल बोलायचे तर धनुषकडे 6.95 कोटी ते 7.95 कोटी रुपयांची रोल्स रॉयस घोस्ट आहे. त्याच्याकडे 3.40 कोटी रुपयांची बेंटले कॉन्टिनेंटल फ्लाइंग स्पर देखील आहे. त्याच्या कार कलेक्शनमध्ये 75 लाख रुपयांची फोर्ड मस्टँग जीटी देखील आहे. धनुषकडे 44.98 लाख रुपयांची Jaguar XE देखील आहे. यानंतर, तो चेन्नईतील एका आलिशान हवेलीत राहतो, ज्याची किंमत सुमारे 25 कोटी रुपये आहे. यातच त्यांची एकूण संपत्ती 230 कोटी इतकी आहे.
ऐश्वर्याही श्रीमंतीत पुढे
ऐश्वर्याही कमी श्रीमंत नाही. लग्नानंतर तीन दिग्दर्शक म्हणून चित्रपटसृष्टीत प्रवेश केला. मीडिया रिपोर्ट्सनुसार, ती दरवर्षी 30 ते 35 कोटी रुपये कमावते. चेन्नईतच नव्हे तर इतर शहरांमध्येही तिची अनेक आलिशान घरे आहेत, ज्यांची किंमत कोट्यावधीमध्ये आहे. ऐश्वर्या रजनीकांतच्या लक्झरी कार कलेक्शनमध्ये मर्सिडीज बेंझचा समावेश आहे, ज्याची किंमत सुमारे 2 कोटी रुपये आहे. याशिवाय तिच्याकडे लाखोंचे दागिने आहेत.
