केनियातील एका शाळेच्या हॉस्टेलमध्ये गुरुवारी मध्यरात्री भीषण आग लागली. या आगीत हॉस्टेलमधील 17 विद्यार्थी होरपळले असून 14 विद्यार्थी जखमी झाले आहेत. या घटनेमुळे परिसरात एकच खळबळ उडाली आहे. आगीचे वृत्त कळताच अग्नीशमन दलाने तात्काळ घटनास्थळी धाव घेत आग विझवण्यास सुरवात केली. आगीचे कारण अद्याप कळू शकले नाही.
केनियातील न्येरी काऊंटी येथील हिलसाइड एंडराशा अकादमीमध्ये ही घटना घडली. मृतांचा आकडा वाढण्याची भीती व्यक्त होत आहे. आगीच्या घटनेचा तपास सुरू आहे. या घटनेत कुणी दोषी आढळल्यास त्याच्यावर कडक कारवाई केली जाईल, असे पोलीस अधिकाऱ्यांनी सांगितले.
