हे गृहस्थ कोण… प्रचारासाठी आलेल्या कंगनाने उमेदवार, बावनकुळेंनाच ओळखले नाही

सामना ऑनलाईन
|

बॉलीवूड अभिनेत्री व खासदार कंगना रणौतचा एक व्हिडीओ व्हायरल होत आहे. ज्या भाजपा उमेदवाराच्या प्रचारासाठी कंगना गेली होती, त्या उमेदवाराला तिने ओळखले नाही. हे गृहस्थ कोण, असा सवालच तिने केला. कंगना रणौत नागपूरच्या कामठी विधानसभा मतदारसंघातून भाजपचे उमेदवार चंद्रशेखर बावनकुळे यांच्या प्रचारासाठी आली होती. प्रचारादरम्यानचा कंगनाचा व्हिडीओ काँग्रेस नेत्या सुप्रिया श्रीनेत यांनी सोशल मीडियावर पोस्ट केला. व्हायरल व्हिडीओनुसार, कंगना तिच्या शेजारी उभ्या असलेल्या एका कार्यकर्तीला विचारते की, ही व्यक्ती कोण आहे? त्यावर हे चंद्रशेखर बाकनकुळे असून ते या जागेवरील उमेदवार आणि भाजपचे प्रदेशाध्यक्ष आहेत, असे तिला सांगण्यात येते. बावनकुळेही मी भाजपचा उमेदवार आहे, असे सांगताना दिसत आहेत. कंगनाचा हा व्हिडीओ जोरदार व्हायरल होत असून तिला ट्रोलिंगचा सामना करावा लागत आहे.

संबंधित बातम्या या पब्लिशरकडून आणखी