आमीर खानचा मुलगा जुनैद खानचा नवीन चित्रपट ‘लवयापा’ लवकरच थिएटरमध्ये प्रदर्शित होणार आहे. जुनैद खान सध्या सह-कलाकार अभिनेत्री खुशी कपूरसोबत त्याच्या आगामी ‘लवयापा’ चित्रपटाचे प्रमोशन करत आहे. या दरम्यान जुनैदने एका मुलाखतीत चित्रपटांविषयी आपले वक्तव्य मांडले आहे. त्यामध्ये त्याने असे सांगितले की, चित्रपट पाहण्यासाठी लोकांनी थिएटरमध्ये यावे अशी प्रत्येकाची इच्छा असते. मात्र, हा चित्रपट YouTube वरही मोफत प्रदर्शित झाला पाहिजे.
तसेच मुलाखतीदरम्यान जुनैदला विचारण्यात आले की OTT आणि थिएटरमधील वादामुळे तुम्हाला काही फरक पडतो का? या मुद्द्यावर जुनैदने स्पष्टीकरण दिले. तो म्हणाला, मला या दोघांमध्ये असा कोणताही फरक दिसत नाही. मला वाटतं शेवटी, चित्रपट हा चित्रपटच असतो आणि आपल्याला खूप जवळचा असतो. मात्र त्याला चांगल्या पद्धतीने कसा प्रदर्शित करणे हा निर्णय सर्वस्वी निर्मात्यांचा आहे. शेवटी मी एक अभिनेता आहे. माझ्यासाठी हा चित्रपट युट्युबवर प्रदर्शित होणे महत्त्वाचे आहे. जेणेकरून हा चित्रपट सर्व लोकांना पाहायला मिळेल. मात्र हे शक्य नाही, अशी खंत जुनैद खानने व्यक्त केली आहे.
