जम्मू-काश्मीरमधील कुपवाडा जिल्ह्यात सुरक्षा दल आणि दहशतवाद्यांमध्ये चकमक सुरू आहे. कुपवाडातील लोलाब जंगल परिसरात संयुक्त सुरक्षा दल आणि दहशतवाद्यांमध्ये चकमक सुरू असल्याची माहिती मिळते. दोन्ही बाजूंनी गोळीबार सुरू आहे.
याआधी रविवारी श्रीनगरमधील टीआरसी कार्यालयाजवळील संडे मार्केटमध्ये ग्रेनेड हल्ला करण्यात आला होता. ऐन गर्दीच्या ठिकाणी झालेल्या स्फोटात 10 जण जखमी झाले. तर मंगळवारी खानयारमध्ये लष्कर आणि दहशतवाद्यांमध्ये झालेल्या चकमकीत एक दहशतवादी ठार झाला.
