जम्मू-काश्मीरमधील रियासी येथे दोन बसची बुधवारी समोरासमोर धडक झाल्याने 15-20 लोक जखमी झाले आहेत. जखमींना उपचारासाठी रियासी येथील रुग्णालयात दाखल करण्यात आले आहे.
वैष्णोदेवीचे दर्शन घेऊन बस कटरा येथून शिवखोरीला जात असतानाच बुधवारी सकाळी 9 च्या सुमारास समोरून येणाऱ्या वाहनधारकाच्या चुकीमुळे हा अपघात झाल्याचे बसमधील एका प्रवाशाने सांगितले. बसमध्ये लहान मुलांसह एकूण 40 प्रवाशी होते.
घटनेची माहिती मिळताच रियासीचे उपायुक्त विशेष पॉल महाजन यांनी घटनास्थळी धाव घेत मदतकार्य सुरू केले. सर्व जखमींना एसएचओच्या वाहनातून आणि रुग्णहिकेतून रुग्णालयात नेण्यात आले. उपायुक्त महाजन यांनी घटनास्थळी क्रेन लावून मार्ग मोकळा करण्याचे आणि दोषीवर कडक कारवाई करण्याचे आदेश एसएचओला दिले.
